პერსონალური მონაცემების დაცვა
Joom ძალიან პასუხისმგებლობით ეკიდება თავისი მომხმარებლების პერსონალურ მონაცემებს. ჩვენ მიგვაჩნია, რომ თითოეულ მომხმარებელს აქვს უფლება მიიღოს ინფორმაცია თავისი მონაცემების გამოყენების შესახებ, ასეთი გამოყენების მიზნების შესახებ, ასევე უფლება აქვს გააუქმოს თავისი თანხმობა.
რა არის პერსონალური მონაცემები?
პერსონალური მონაცემები არის ინფორმაცია, რომელიც ეხება ფიზიკურ პირს და მის ქმედებებს ჩვენს პლატფორმაზე.
ჩვენ მომხმარებლის პერსონალურ მონაცემებს ვყოფთ:
- ანონიმურ მონაცემებად (რომლის საფუძველზეც ვერ ვადგენთ კონკრეტული პირის ვინაობას)
- იდენტიფიცირებად მონაცემებად (რომლის საფუძველზეც შესაძლებელია მომხმარებლის იდენტიფიცირება, ანუ კონკრეტული პირის დადგენა).
ანონიმურ მონაცემებს ვიღებთ და ვამუშავებთ იმ მომენტიდან, როდესაც თქვენ შედიხართ ჩვენს ვებ-საიტზე ან აპლიკაციაში.
იდენტიფიცირებად მონაცემებს ვიღებთ და ვამუშავებთ მხოლოდ თქვენი თანხმობის შემდეგ (ჩვენი „გამოყენების პირობების“ მიღებისას).
როგორ იყენებს Joom ჩემს პერსონალურ მონაცემებს?
მათი დახმარებით ჩვენ თქვენს შოპინგს Joom-ზე გაცილებით უფრო მოსახერხებელს ვხდით. მიღებული ინფორმაცია შეიძლება გამოყენებულ იქნეს:
- თქვენი ანგარიშის კონფიგურაციისა და ოპტიმიზაციისთვის;
- შეკვეთების დამუშავებისა და შესრულებისთვის, გადახდების განხორციელებისა და დაბრუნებისთვის;
- ტექნიკური ხარვეზების გამოვლენისა და მათი შემდგომი აღმოფხვრისთვის;
- თაღლითური ქმედებების პრევენციისთვის;
- მომხმარებელთა მხარდაჭერის სამსახურის მუშაობისთვის;
- თქვენი პრეფერენციების კვლევისთვის რეკომენდაციების, განახლებების, გარე ბმულების შექმნის ფარგლებში, ასევე მარკეტინგული და სარეკლამო მიზნებისთვის;
შემიძლია თუ არა ჩემი მონაცემების წაშლა Joom-იდან და მათი მართვა სხვა გზით?
დიახ! ნებისმიერ დროს შეგიძლიათ გააგზავნოთ მოთხოვნა:
- თქვენი მონაცემების წაშლის, შეცვლის ან შესწორების შესახებ;
- მონაცემების გამოყენებისა და მათი მესამე პირებისთვის გადაცემის შეზღუდვის შესახებ;
- ჩვენს მიერ შენახული მონაცემების ექსპორტის (გადმოწერის) შესახებ.
როგორ გავაკეთო ეს?
ვებ-საიტზე: გვერდზე Joom-ის კონფიდენციალურობის პოლიტიკა გვერდის ბოლოში უნდა აირჩიოთ თქვენთვის სასურველი ოპცია: მონაცემების გადმოწერა, წაშლა, პერსონალური მონაცემების თანხმობის გაუქმება ან მათი გამოყენების პარამეტრების შეცვლა.
აპლიკაციაში: პროფილის მთავარ მენიუში აირჩიეთ „პირობები და კონფიდენციალურობა“, შემდეგ „პერსონალური მონაცემები“, და შემდეგ აირჩიეთ სასურველი მოქმედება: წაშლა, გადმოწერა, პერსონალური მონაცემების თანხმობის გაუქმება ან მათი გადაცემის პარამეტრების კონფიგურაცია.
იმის გასაგებად, თუ როგორ ვაკმაყოფილებთ ახალ GDPR კანონს, გაეცანით ჩვენს ოფიციალურ დოკუმენტებს: გამოყენების პირობები და კონფიდენციალურობის შეთანხმება.
დარჩა კითხვები? შეგიძლიათ მოგვწეროთ მისამართზე privacy@joom.com ან დაგვიკავშირდეთ სპეციალური ფორმის საშუალებით „პერსონალური მონაცემების“ განყოფილებაში თქვენს პროფილში.